गोरखा, २१ असोज । पालुङ्टारस्थित मस्र्याङ्दी नदी किनारबाट लिगलिग कोटसम्म दौड पूरा गरी पर्वतका अनिश थापाले यस वर्षको लिगलिगे दौड जित्नुभएको छ । दौड प्रतियोगितामा ५६ मिनेट १८ सेकेन्ड दौडेर विजयी हुनुभएका थापाले श्रीपेचको प्रतिकृति, रु ५० हजार ५५० र प्रमाणपत्र प्राप्त गर्नुभयो ।यस्तै गोरखा, मान्वुका शुभराज गुरुङले ५७ मिनेट १९ सेकेन्डमा निर्धारित दूरी पार गरेर दोस्रो भई रु ३० हजार ३०५ पुरस्कार जित्नुभएको छ । नेपाली सेनाका कृष्ण बस्नेतले ५८ मिनेट २६ सेकेन्डमा दौड पूरा गर्दै तेस्रो भई रु २० हजार ५०० पुरस्कार जितेको आयोजक लिगलिगकोट विकास अभियानका सरोज देवकोटाले जानकारी दिनुभयो । रासस
Post a Comment